gardei rabaños máis alá de Orión...
16.5.07
Compañeiros de Piso (very little brains)

Cando buscamos compañeir@ de piso, moitas veces guiámonos por referencias de colegas, aspecto (físico xeralmente) e esa intuición que todos temos e que a case ninguén lle funciona do modo axeitado. O resultado final é o que xa se sabe, acabamos acumulando odio cara a nosa especie e cambiando de compañía cada dous por tres.
Para evitar estes problemas, confeccionei unha sorte de guía/cuestionario para realizar antes de acoller un inquilino novo nese espazo ao que dificilmente se lle podería chamar casa, xa non digampos fogar.
Estes son os coñecementos básicos que debemos ter sobre a persona que imos meter no piso (deberiamos acostumarnos ás entrevistas en plan teleserie):

1- Fumador ou non (prescindible)

2- Sabes lavar a louza? Estas disposto/a a aprender?

3- Coñeces o significado de “insalubre”? Consideras a fregona un invento inútil?

4- Es capaz de pechar a bolsa do lixo?

5- Tes a habilidade suficiente para introducir unha bolsa no interior dun colector?

6- Recollerías cunha vileda trozos diminutos dun vaso rachado? En caso afirmativo, explicar os pros e os contras.

7- Gostas do futbol? E doutros deportes? En caso afirmativo: Es capaz de racionalizar o cabreo? Consideras preciso encher o chan de ketchup e cervexa cando hai Champions?

8- Que telexornal adoitas ver? (A3 e T5 son motivo de descalificación)

9- Cres que ETA tivo algo a ver no 11-M?

10- Quen te merece máis credibilidade, Jiménez Losantos ou Pedro J.? (Responder esta pregunta tamén descalifica)

Estas serían as preguntas básicas a realizar. O malo é que hai compartamentos difíciles de prever.

1- Que a súa fonte de información sexa a COPE, a FHM/Cosmopolitan (e tome todo ao pé da letra)

2- Que sexa un grande cinéfalo. Nunca atopáchedes Sin City dox ou Caribean PirateX no DVD?

3- Que a súa opinión persoal sobre un filme sexa a opinión persoal de Antonio Gasset

4- Que gaste máis papel hixénico el só que o resto do edificio. Debería mirarse, calquera día quédalle na man…

5- Que considere o 1 de Maio un “rollito de rojeras”

6- Que non diferencie o sal do azucre

7- Que viva no sofá e teñas a Jorge Javier de B.S.O. todas as tardes

8- Que fale de cine asiático. En concreto de pelis que non víu e ti si por pura casualidade

9- Que esquenza as chaves de casa cada vez que sae de noite e ti tes que madrugar ao día seguinte

10- Que teña amigos peores ca el

O dito, se non queredes pasar por malas experiencias recoméndovos ter en conta este pequeño cuestionario.



Etiquetas:

 
publicado por O pastor eléctrico ás 11:46:00 |


12 Comentarios:


  • At 1:41:00 da tarde, Blogger A rapaza do arco

    Mi ma!! vendo isto considérome máis que afortunada, hai cada individuo por aí...
    outras preguntas para axudar: entendes o concepto "repartición de estantes"?,consideras que a temperatura da casa durante o inverno debe ser a suficiente para ir en tirantes e bragas?
    Aínda que está claro que teñen unha moito menor que as túas, se escoitan a Cope, etc, xa vai ser imposíbel negociar ou razonar outros puntos :D

     
  • At 3:44:00 da tarde, Blogger A Raíña Vermella

    Había tempo que non me ría tanto! Hai moitísima xente que non sabe o que significa "insalubre" nin falta que lle fai. Todo se resume en "sucio" ou "mais sucio". Coido que quen mais quen menos tivo movidas cos compañeiros, e tod@s poderiamos engadir novos ítems ao cuestionario. Por exemplo: que significa para ti "compartir a comida"?
    a) mercamos a medias
    b)comerse o que merca o outro
    c)non sei o que signiica "compartir"

     
  • At 5:09:00 da tarde, Anonymous Anónimo

    Con quem che tocou vivir meu rei??
    Pobrinho!
    Comprendote perfecamente eu compartim piso durante a minha carreira com estudantes de belas artes que nom pasabam a 2, 3,4 e 5.
    De todo-los jeitos conseguim levar um bo recordo deles
    Suponho que prefiro a um porco a um facha!
    (nos nom tinhamos tv)

    Por certo, proponhote umha nova pregunta:
    Es capaz de entender que a toalha de cada um é persoal e intrasferibel?

     
  • At 5:41:00 da tarde, Blogger Arale Norimaki

    XDDD Os compañeiros de piso dan para novelas enteiras. A min tocoume vivir con auténticas bestas. Eu engadiría tamén
    1.- Que entendes por "intimidade" dos teus compañeiros? Ata que punto eres quen de respetala?
    2.- Caso práctico: vives nun piso mixto. A quen lle corresponderá en cada caso cada unha das tarefas do fogar? (se aplica criterios de xénero será automáticamente descalificado).
    3.- Estarias disposto a amordazar ao teu "partenaire" a partir de certas horas para garantir o descanso dos teus compañeiros?
    4.- Cal é o periodo de vida media dunha lata aberta nunha neveira standard? Consideras o mofo un condimento?

    Eu atopábame catálogos da falange e de venta a domicilio de bustos de franco e figuriñas de tejero no sofá...O sorprendente é como un remata por afacerse...

     
  • At 8:22:00 da tarde, Blogger Mario

    Pero di a verdade, fun ou non fun o mellor compañeiro de piso que tiveches ou terás nunca? A que dabas algo por que "volvese"? (Deixo da túa mao explicar as comillas ou non).

     
  • At 11:51:00 da tarde, Blogger begira...

    pareceume un dos mellores posts que lin! e as contribucións posteriores non son malas... no meu caso particular engadiría:
    1. cal consideras o tempo medio normal no teléfono común?
    a) menos dunha h ao día
    b) de 2 a 3 h ao día
    c) aprox 4 h ao día
    (b e mais c descalifican)

     
  • At 1:20:00 da manhã, Blogger Unknown

    Ese cuestionario deberia ser obrigatorio!

    Por sorte en todolos pisos polos que andei nunca tiven ningún problema, a limpeza nunca foi dos meus fortes :D

     
  • At 11:35:00 da manhã, Blogger O pastor eléctrico

    Si, o da repartición de estantes é importante Arqueira, no caso da calefacción non temos problema porque non se lle pode dar demasiada caña.
    Alégrome de que te fixera rir Raíña, no da comida é peor cando sinxelamente desaparecen as túas birras e o york non dura nin 2 días...
    Pois a min tocoume vivir cun porco facha W.Sobchak. Polo menos este si que entende o da toalla.
    Vexo que tamén tes experiencia nisto dos fachas suxos Arale, eu catálogos deses non me atopei, pero teño a sospeita de que é porque sabe mercar por internet.
    Mario, sabes que nunca tiven un compañeiro de piso que ensuciara menos e silencioso. Compartir piso contigo é unha beizón.
    Alégrome que gostaras begira. Nos non temos teléfono común, pero tendo en conta o que fala polo móbil, habería que electrificar o auricular para que non o usase.
    É moi necesario Suevo, non sabes ben a sorte que tiveches de non dar con especimens así, se queres préstocho uns días :p

     
  • At 5:37:00 da tarde, Blogger O gato violeta

    A ver co que me atopo cando vaia a estudar fora. Teño unha colega fichada, a esa non lle teño medo, e unha rapaza pulcra, pero para o resto do universo...
    Se chago a atopar a alguen así vouvos invitar a presenciar a miña primeira enaxenación mental, con fusíl de aslto incluido XD

     
  • At 11:22:00 da tarde, Blogger O pastor eléctrico

    Agardo que non te atopes con elementos deste tipo. Así contado ten coña, pero son difíciles de aguantar.

     
  • At 10:08:00 da tarde, Blogger Zerovacas

    Moi instrutivo. Home, algún destes defectos pódense soportar, pero tres, catro, cinco xuntos..., pódente levar a pasar máis tempo fóra da túa casa que dentro

     
  • At 4:11:00 da tarde, Blogger Elianinha

    Xenial, brillante e debería ser obrigado. Noraboa polo blog, gustoume moito, hei voltar. m