Entereime recentemente de que Christopher Nolan vai dirixir unha nova entrega de Batman. Provocoume unha certa sensación de ledicia xa que Batman Begins foi a única entrega que me convenceu dende a de Tim Burton, alá polo 89. A versión de Nolan captaba mellor toda a esencia do mundo do Batman da DC Comics. Era unha película sobre Batman, non unha película na que saía Batman. Cando era neno, gostaba moito dos superheroes, o meu favorito era o Spiderman, até que descobrin ao Batman. Cando vin o filme pola TV, ficara apampado. Semellábame incrible como se parecía ao da banda deseñada, o filme estaba moi logrado, daba a impresión de que estaba a ler as miñas historietas no televisor. Máis recentemente ocorreume algo semellante coa versión de Nolan, non tiña nada a ver cos filmes anteriores (horripilantes), sorprendeume moito. Non fora ao cinema moi convencido por mor da decepción que me causaran as anteriores entregas (en Batman Forever saínme da sala antes dunha hora) pero como gostara de Memento, vinme na obriga de facer un esforzo. A decisión coido que foi axeitadísima, xa que unha vez dentro, desfrutei do filme case coma a primeira vez que vira a de Tim Burton.
Outro recordo que me evocou a noticia, foi a serie de TV dos s 60, a do Batman en pixama e coas orellas gachas. Coido que foi a primeira cousa que vin que me pareceu cutre. Co paso do tempo, o meu aprecio a Batman e un certo espirito friki, transformou ese "cutre" e "mítica" ou mesmo "entrañable". Moito se ten falado desta serie, lembro aquelas esceas nas que Batman e Robin agatuñaban polas paredes dos edificios e saían veciños falar con eles. Os superheroes levaban as capas pagadas ao cú e a xente saía dun xeito excesivamente horizontal polas ventás. É digno da mellor serie B. Tamén estaba ese teléfono vermello que se alumeaba cando a policía chamaba pedindo axuda. Vin fai uns anos un capítulo e era impresionante o aspecto retro do Batmóbil, que tiña uns acabados cromados que xa lle gustarían ao 127. Era gracioso ver as follas das árbores caer coma se fosen pedras cando o vehículo collía velocidade.
Seguro que se voltasen a emitir esta serie (confiemos en Cuatro), tería éxito. Pero quen sabe, se cadra as asociacións de padres vían certos comportamnetos "estraños" entre Batman e Robin (que guapo coa R no peito) ou excesiva violencia nos "PAUWNS" que lles atizaban aos inimigos. Acabarían emitíndoa as tantas da mañá e o grande público quedaría privado dela.
O dito, a agardar a estrea de The Dark Nigth desexando que pase a ocupar un lugar nos éxitos e non nos fracasos das adaptacións de Batman.
Outro recordo que me evocou a noticia, foi a serie de TV dos s 60, a do Batman en pixama e coas orellas gachas. Coido que foi a primeira cousa que vin que me pareceu cutre. Co paso do tempo, o meu aprecio a Batman e un certo espirito friki, transformou ese "cutre" e "mítica" ou mesmo "entrañable". Moito se ten falado desta serie, lembro aquelas esceas nas que Batman e Robin agatuñaban polas paredes dos edificios e saían veciños falar con eles. Os superheroes levaban as capas pagadas ao cú e a xente saía dun xeito excesivamente horizontal polas ventás. É digno da mellor serie B. Tamén estaba ese teléfono vermello que se alumeaba cando a policía chamaba pedindo axuda. Vin fai uns anos un capítulo e era impresionante o aspecto retro do Batmóbil, que tiña uns acabados cromados que xa lle gustarían ao 127. Era gracioso ver as follas das árbores caer coma se fosen pedras cando o vehículo collía velocidade.
Seguro que se voltasen a emitir esta serie (confiemos en Cuatro), tería éxito. Pero quen sabe, se cadra as asociacións de padres vían certos comportamnetos "estraños" entre Batman e Robin (que guapo coa R no peito) ou excesiva violencia nos "PAUWNS" que lles atizaban aos inimigos. Acabarían emitíndoa as tantas da mañá e o grande público quedaría privado dela.
O dito, a agardar a estrea de The Dark Nigth desexando que pase a ocupar un lugar nos éxitos e non nos fracasos das adaptacións de Batman.
Etiquetas: Cinema
Mira que es friki :D A serie de Batman, aínda que cutre, molaba un montón, sobre todo con esa dobraxe que lle facían na galega, cunha voz a hostia de interesante :) que máis daba que a capa non lle voase, eran cousas da época e da falta de recursos.
Polas protestas dos pais non te preocupes, outra cousa que os caracteriza, ademais da súa pesadez con certos temas, é que non se enteran de nada; non hai peor cego que o que non quere ver ;)
Eu tamen aposto pola reposición