Na anterior idade aos nosos tempos, os líderes dos pobos unidos lograron vencer ao inimigo da Terra do Norte. Nunha loita dura, conseguiron arrebatar ao Partido Único o Trono de Poder, xunto co resto do Tesouro do Dominio. Este último está formado por unha serie de elementos de poder maléfico que exercen un terrorífico control: os sacos transoceánicos, os Báculos de Poder das Comarcas, e o Grande Índice Dourado, que outorga un extraordinario poder aos capitáns dos exércitos públicos.
Todo isto chegou ás mans dos líderes dos pobos unidos. Tiveron a opción de destruílos para sempre, era o fin perseguido, polo que tanto se tiña loitado. Porén, o seu poder axiña corrompeu aos gobernates das dúas grandes faccións da revolta, que cautivados por semellante forza quixeron gardalo para si mesmos. O resto das forzas da Terra do Norte intentou convencelos de que os destruísen, de que volvesen o poder ao pobo, pero a vontade do Trono de Poder está ligada á maldade do Partido Único, e semellante poder axiña se apoderou das súas almas. Aquel poder voltouse contra eles, cada quen o quería para si e non tardou en chegar o momento en que todo o poder voltou ao Partido Único deixando aos pobos libres sumidos no caos e a desesperación.
Foi entón cando os vellos Señores da Terra do Norte apareceron e convocaron aos novos, descendentes das diversas castes que en tempos loitaran contra o mal. Era tempo de recuperarse, loitar xuntos e con máis valor que nunca. A batalla estaba a piques de comezar, pero... quen sería o encargado de levar ás costas a pesada carga da destrución do Partido de Poder?
Todo isto chegou ás mans dos líderes dos pobos unidos. Tiveron a opción de destruílos para sempre, era o fin perseguido, polo que tanto se tiña loitado. Porén, o seu poder axiña corrompeu aos gobernates das dúas grandes faccións da revolta, que cautivados por semellante forza quixeron gardalo para si mesmos. O resto das forzas da Terra do Norte intentou convencelos de que os destruísen, de que volvesen o poder ao pobo, pero a vontade do Trono de Poder está ligada á maldade do Partido Único, e semellante poder axiña se apoderou das súas almas. Aquel poder voltouse contra eles, cada quen o quería para si e non tardou en chegar o momento en que todo o poder voltou ao Partido Único deixando aos pobos libres sumidos no caos e a desesperación.
Foi entón cando os vellos Señores da Terra do Norte apareceron e convocaron aos novos, descendentes das diversas castes que en tempos loitaran contra o mal. Era tempo de recuperarse, loitar xuntos e con máis valor que nunca. A batalla estaba a piques de comezar, pero... quen sería o encargado de levar ás costas a pesada carga da destrución do Partido de Poder?
Etiquetas: A autonomía do anel
Agora ben o intro coa musiquiña da comarca tiruriii ruu riruturiruuuu tarariiiii lariii rooo riiiii lararaaaa cun trabeling sobre a Alameda e a fachada do Obradoiro erguéndose no fondo. :D
Na terra dos pequenos ananos, que propio.
Imaxina a Beiras cun sombreiro picudo (o resto xa o ten) "Un galeguista nunca chega tarde, Frodo Bolsón, nin pronto. Un galeguista chega xusto cando se o propoñe".
"pero a vontade dos homes se corrompe con facilidade" :)
Que post máis guai! haha